有好一陣子沒有去街食好野,無聊按下電話睇下有咩好食,見到CHEF STAGE de Eddy Chu幾好Wor咪試下,辛苦揾黎自再食牙麻~
餐廳大門都幾重下,好彩待應幾helpful,今次雖然有book枱,但與窗口位無緣,算數。座低待應好快遞上餐牌,都頗多選擇,睇完一輪後決定叫一個海鮮拼盤和其他菜式,待應提議不如食套餐,因為套餐包含的食物同我地叫其他菜式差不多。最後叫了一個海鮮拼盤和一人套餐。
餐廳大門都幾重下,好彩待應幾helpful,今次雖然有book枱,但與窗口位無緣,算數。座低待應好快遞上餐牌,都頗多選擇,睇完一輪後決定叫一個海鮮拼盤和其他菜式,待應提議不如食套餐,因為套餐包含的食物同我地叫其他菜式差不多。最後叫了一個海鮮拼盤和一人套餐。
生蠔好肥美,細隻較爽甜,大隻則海水味重厚肉。鮑魚不會很難咬,而且十分鮮甜, 肉質彈牙爽口!蘸上泰式酸辣汁更添風味,鮮蝦份量不少,蝦身肥厚爽甜,蝦頭带膏,十分滋味!蟶子刺身比較少有,切成薄薄一片片, 有點像象拔蚌很爽口,日本刺身帶子放在shooter杯中,特別又之餘仲吸收杯中的麵豉蜜糖汁, 味道清甜帶咸,質感嫩滑, 令人無法抗拒!
待食完海鮮拼盤後,才開始上套餐~不得不讚這店的上菜速度控制好好,不會令人有壓迫感,可以真真正正享受美食。
海螺沙律
原來這沙律洋蔥先系重點,配上檸檬欖油令海螺沙律更清新,海螺片爽脆带有少少海水味,這沙律系十分开胃的前菜!
海鮮冬蔭忌廉湯
海鮮份量好多好足料有帶子粒, 蝦肉及蟹肉,辣味不算勁,有Fusion的感覺~加了忌廉和椰汁令湯更滑更香甜,不食辣的也可以一嚐冬蔭滋味!
黑松露年糕
淡淡的黑松露香味, 加上煙韌軟熟年糕, 其汁的濃度剛好令每片年糕放入口也沾滿黑松露忌廉汁。
咖哩配熱脆麵包
蟹肉好豐富,咖哩汁帶有香濃椰汁味,外脆內軟麵包吸滿了咖哩汁,咬下香氣四溢~令人十分滿足。
西班牙橡果級黑毛豬肉眼蓋
肉質比較煙韌有咬口,但肉質好細緻, 咬起來有很香的肉味,同平時豬肉好大分別,而其配菜也十分美味香甜。
Mango cake
送的Mango cake也好好味,Mango味清甜,蛋糕質地好輕盈,作飯後甜品最適合!
食左甘多好西,埋單先太約一千蚊,算抵食!
沒有留言:
張貼留言