Cosmos 滋味晚餐

上星期五竟然可以準時收工,心情自然靚到飛起,
經過Cosmos見到人少少就來食個靚晚餐,
熱情好客的經理跑來開門,有些受寵若驚~

Cosmos的晚餐套餐選擇多,主菜共有五款選擇,
前菜有湯、沙律尾聲仲有甜品,
我地選擇了:露筍海鱸魚卷蟹黃忌廉飯 ($168)和波士頓龍蝦伴鵝肝雞卷配蒜子燒汁 ($258)

有機藜麥田園沙律


新鮮的雜菜沙律、清甜爽口，沒有我討厭的火箭菜,而且加入胡麻醬感覺更美味。

南瓜湯



濃濃的南瓜加上適量的忌廉更加香滑,南瓜本身的甜味也十分吸引,細滑香濃的南瓜湯配上軟熟香草包，感覺更豐富。


露筍海鱸魚卷蟹黃忌廉飯 ($168)



一片海鱸魚卷放在忌廉飯上，魚皮有少少焦香帶脆，魚肉肉質嫩滑鮮甜，而且厚身有質感,蟹黃忌廉飯沒有太重的蟹黃味,但絕對食到其鮮味!忌廉飯軟中帶韌,口感是我印象中最好的一次。露筍海鱸魚卷蟹黃忌廉飯無論在賣相、口感、味道也令人滿意。




波士頓龍蝦伴鵝肝雞卷配蒜子燒汁 ($258)



龍蝦有手掌甘大,細心一看裏面有完整蟹鉗肉，只需輕輕一叉龍蝦肉便肉殻分離，帶有微微的海水咸味和海鮮的鮮味,龍蝦肉一絲絲的爽口彈牙，龍蝦頭中有不少蝦膏,記得食乾凈D吾好浪費牙。

雞卷裏釀入鵝肝,份量不算多,但剛剛好令味道更Rich,也不會有油膩感的，雞卷嫩滑雖然同慢煮相比仍有差別。而烘焙過程中雞皮的油份被迫出,令其滲入薯蓉之中,令薯蓉味道添上一份肉味,薯蓉口感不算十分細膩滑溜,但帶粗粒的質感,也是令一種美味,配菜有黃瓜、青瓜和茄子片，車厘茄、露筍,烤得不錯。



芝士蛋糕



甜品部份比主菜差少少,芝士蛋糕質感相對較實,但沒有膩的感覺,其餅底太厚影響了蛋糕的口感。