一來到就出去拿生蠔,生蠔區有來自法國、愛爾蘭及澳洲的即開生蠔，3款都比較細隻偏咸，但算新鮮。每人每次拎2隻。
涷海鮮種類也不少﹗有青口、澳洲加菲蟹、麵包蟹、小龍蝦、凍蝦、長腳蟹,當中青口、澳洲加菲蟹最得我心,加菲蟹好鮮甜但肉質比較散。長腳蟹要用剪刀,所以比較少食。
喜愛沙律、冷盤的朋友有福了,皆因沙律冷盤區好豐富,刺身有三文魚、北寄背等,十分新鮮,沙律有木瓜沙律、烤南瓜、青萍瓜等,每樣試少少都好飽。
我個人比較喜愛熱食區、羊架和牛仔骨十分不錯,啖啖肉,蛋白蒸花蟹鮮味嬓滑,好搶手架~西班牙海鮮飯很香,但質感不夠乾身。
甜品區也是重要一環,燉蛋有3口味,開心果味夠特別,但原味更香滑、蛋糕細細件精緻,可以遂一淺嚐,仲有大人小朋友都喜愛朱古力噴泉。 Häagen-Dazs到尾聲要排隊,大家預時間食拉~
沒有留言:
張貼留言