原來它是和民集團的餐廳,無論是裝潢和菜式也大大不同,
先看看餐牌,食物種類不少也好吸引,就入去試下!
餐廳不算太大,但以木裝潢為主感覺温暖,
而且換上聖誕裝飾,好有feel~
法式芝士洋蔥湯
洋蔥味香味濃郁，湯裏有麵包同芝士一起焗，
麵包邊好香脆,而且好像海綿一樣吸滿了洋蔥湯,
感覺好滿足,飲完暧笠笠~
特濃南瓜粟米忌廉湯
南瓜湯加入了粟米，令味道更有層次,
而且有豆類去增加口感,
味道濃郁的南瓜湯濃稀適中，夠曬Creamy~
兩款湯的表現不俗,留下好印象。
西班牙小食拼盤
小食拼盤可以自由選擇，選了蝦牛油果法包多士、炸雞和焗醸帶子大蘑菇。
炸雞皮好脆帶少少薑味,肉質嫰滿Juicy呈微微粉紅~真系好好味,不輸給韓式炸雞。
蝦牛油果法包多士好香,用了牛油果和芥未做醬,清新又不單調~連平日不食牛油果的老公也大讚好味。
焗醸帶子大蘑菇好多汁,大蘑菇厚身juicy,有好香蒜蓉味,帶子雖然不算大粒,但勝在嫩滑!
生蠔配柚子啫哩 2pcs
好新奇的食法,生蠔上鋪滿了柚子啫哩,將生蠔連柚子啫哩一並送入口,
先食到生蠔的鮮味及海水味再來是柚子啫哩的甜味,感覺好Refreshing~
但生蠔細隻了少少。
瑪格麗特 (配新鮮水牛芝士) 8"
Pizza薄底脆邊,配料相對簡單,茄醬底不會太酸,
加上新鮮水牛芝士十分配,
上面幾塊新鮮Basli 有畫龍點睛的效果。
西班牙風海鮮飯（半份）
材料豐富包括有蝦、魷魚、青口、蜆肉等，
蝦破邊食起來更方便。
食前先將茄膏抣匀,再加入入檸汁,
變得鮮味又清新,而且飯粒粒分明亁身,十分不錯!
荷蘭鬆餅（宮崎縣產番薯焦糖）
起初仲擔心鬆餅好實,
原來系好鬆軟的,不會太甜,
有香香的焦糖味，還有一粒粒甜番薯，
加上香滑雪糕,呢餐好完美。
飮品方面:
Choco Fun English Tea
有淡淡朱古力香,但保留茶味,幾特別~
Coffee Caramel Frozen
Caramel味突出,但咖啡淡了少少~飲到後尾仲淡。
沒有留言:
張貼留言