元朗Oyster Season ~秘魯海鮮餐廳

元朗越來越多好西食,
所以有時放假都會入去揾食,
有時都要排下隊加,
元朗Oyster Season前幾日見Facebook有介紹,
吾想排隊就要快D黎食。

這是一間秘魯海鮮餐廳,好有特色加~
牆上有一幅大壁畫,抽象畫風同秘魯的神秘感覺不謀而合,
店子坐位不算多,小店形式經營。


一入門口便是蠔吧,約有十二款蠔，選擇不少~
食冷盆前先飲洋蔥湯暖暖胃,
洋蔥湯帶甜味和胡椒香,飲完暖笠笠。

海鮮拼盤

 
有六隻即開生蠔、四隻翡翠螺、兩隻牡丹蝦同兩隻帶子。 
蠔要左愛爾蘭Majestic 生蠔 、法國Marine 和Regal。
這三種生蠔都比較重海水味,大家記得由淡至濃順時針食,

Majestic 蠔味濃,帶子位極甜,有強烈的回甘。

Marine:口感爽脆, 入口帶陣陣鮮甜海水味, 較Creamy~

Regal:質地爽脆，很refreshing

翡翠螺大粒無沙,海水味重,不要調味都十分鮮味。

牡丹蝦同帶子都十分肥美。牡丹蝦好大隻仲有膏添,食完好滿足!


海膽

鮮甜無腥味,入口即溶 ~但紫菜淋晒,唯有啖啖海膽甘食拉。哈哈~


燉羊肉

具秘魯特色的一道菜色,用了不同的香料,溫和但又十分惹味,

羊肉有五、六舊,燉到肉質鬆軟無北,羊肉带少少羶味,好正!


無花果配鐵板芝士

芝士是Feta Cheese,質感像實身豆腐,好香牛乳味,
配小多士食一流,加上蜜糖汁可平衡味道,不妨試下~



西班牙黑毛豬架 

黑毛豬出名油脂分布平均，肉質爽脆,

Oyster Season出名食黑毛豬架 ,當然要試下,
呈粉紅色的樣子很吸引，味道有肉香,只需簡單調味便足夠，
仲有燒蒜頭可以一齊食。
但如果切薄少少口感會更好。