＊吾飲酒都可以Chill＊

家住荃灣,但比較少去荃灣西果頭,
所以一有機會就會去順便搵食,
Docks Bar & Restaurant應該開業不久,
雖然是Bar但一點也不烏煙瘴氣,
而且好relax同埋闊落,感覺像酒店裏的酒吧~
Docks Bar有足球機、飛標機,等野食都吾怕悶。

欖油蜆肉意粉

 味道清清地,充滿欖油和蔬菜的清香味,
而且蜆肉份量很多,太約有十多隻,帶海水味無沙,一食就知用新鮮蜆,
意粉質感彈牙,口感不錯。
里面的洋蒽爽甜,我十分喜歡~


見好人多都叫啤酒脆雞,
我都心思思想試下~
啤酒脆雞即叫即整,大約等20分鐘,
加了$30有薯菜,粗薯條熱辣辣剛炸起好正!



啤酒脆雞一出場,已經感受到其熱力及香氣,
連隔離枱都大叫好香,
店員會幫手將脆雞剪半,
然後便可以用手套拿着食,啖啖肉真系爽歪歪!
雞皮好薄好脆,雞肉嫩滑多汁,雖然胸位有少少鞋,但可接受。

下次飲野食反可以再來Docks Bar & Restaurant,
氣氛幾好又吾嘈~